Maartmaand hang die eiervrugte groot en pers in die
groentetuin en die granate groot en rooi in die boord. Met die kwepers wat borrie geel in die
kweperbome hang was dit ‘n uitgemaakte saak dat
die Paasmaal ‘n sterk Meditereense invloed gaan hê.
 |
| Eiervrugte |
Met kos wat elke dag duurder raak, is ek dankbaar vir ‘n
tuin wat onverpoos kos op die tafel sit. ‘n Goeie verbeelding en ‘n produktiewe
tuin sorg vir interresante maaltye.
 |
| Bouquet garni vir die lamsboud |
Carol het kom kuier vir die paasnaweek en het vlytig gehelp
sny, kap en kerf. Alles wat ek nie baie geniet nie, so sy was my seëning vir
Paasfees. Ek geniet die maak van die gereg waar jy al die bestandele bymekaar
tower en wag vir die verassing van smake wat op die tafel verskyn, maar die
voorbereiding van bestandele is te voorspelbaar.
 |
| Tuisgebakte brood |
Die Wolwe het nie Paasnaweek huis toe gekom nie en die afwesigheid
van die seuns was tasbaar op Paas Sondag met geen eiers wat deur die Paashaas
in die tuin versteek is nie. Op ons ouderdom is dit wys om nie goed weg te
steek wat gesoek moet word nie, so ek het die meer volwasse gaste die trauma
gespaar om Paaseiers te soek. Ons kan skaars die huis sleutel party dae kry wat
nog te sê van Paaseiers. Ek het ook geen
behoefte gehad om in Desember veras te word deur vergete Paaseiers onder die
krismisrose nie.
 |
| Die Paastafel |
Susan het heerlike versnaperings met granaat mengeldrankies
voor ete bedien. Die Paasete was Mosselsop met tuisgebakte brood (voorgereg),
eg Kaapse Kerrievis (visgereg), potgebraaide lamsboud met vars kruie bedien met
kweper jellie, gebraaide aartappels en eiervrug met groenslaai (hoofgereg) en
simnel koek vir nagereg.
 |
| Kaapse Kerrievis |
Die Paasmaal was maklik gemaak deur almal se bydrae en dit
was lekker om sommer net saam te kuier met goeie kos waarvan 80% uit ons tuin
was.
 |
| Krismisrose vir paasfees |
Eiervrug was die tuin se ruim Paas geskenk. Wat sal Paasvees wees sonder outydse Kaapse Kerrievis. Lekker!
ReplyDelete